ហេតុអ្វីត្រូវសិក្សានៅអ៊ឹរ៉ុប?
សាកលវិទ្យាល័យនានានៅអ៊ឹរ៉ុបត្រូវបានស្គាល់ ជាយូរមកហើយអំពីស្ដង់ដារអប់រំឧត្តមសិក្សា របស់ ខ្លួន ការស្រាវជ្រាវដ៏រីកចម្រើនរបស់ខ្លួន និង តម្លៃជា ប្រាក់របស់ខ្លួន។ សាមសិបមួយមហាវិទ្យាល័យក្នុងចំណោមមហាវិទ្យាល័យកំពូលៗចំនួន 100 របស់ពិភពលោក ដូចបានចុះបញ្ជីដោយទស្សនាវដ្ដី The Times នៅក្នុងចំណាត់ថ្នាក់សាកលវិទ្យាល័យ ពិភពលោកឆ្នាំ 2012 របស់ខ្លួន គឺស្ថិតនៅទ្វីបអ៊ឹរ៉ុប ដែលធ្វើឲ្យវាក្លាយជាប្លុកនៃសាកលវិទ្យាល័យធំបំផុតទីពីរបន្ទាប់ពីសហរដ្ឋអាមេរិក។
ជារួម មានគ្រឹះស្ថានអប់រំឧត្តមសិក្សាជាង 4000 នៅអ៊ឹរ៉ុបដែលផ្ដល់នូវវគ្គសិក្សាដ៏ធំនៅថ្នាក់ បរិញ្ញាបត្រ ម៉ាស្ទឺរ និងបណ្ឌិត។ ដោយមានគ្រឹះស្ថានកាន់តែច្រើនដែលប្រើភាសា អង់គ្លេសជាភាសាសម្រាប់គ្រឹះស្ថានយ៉ាង ហោចណាស់កម្មវិធីមួយចំនួននៃកម្មវិធីអប់រំ ឧត្តមសិក្សារបស់ពួកគេ សាកលវិទ្យាល័យនៅអ៊ឹរ៉ុបឥឡូវនេះគឺជាកន្លែងដែលប្រសើរជាងពេលមុនដើម្បីផ្ដល់នូវការស្វាគមន៍យ៉ាងកក់ក្ដៅដល់និស្សិតអន្តរជាតិទាំងអស់ និងដើម្បីផ្ដល់នូវវគ្គសិក្សាដែលបំពេញតម្រូវការការងាររបស់ពួកគេនៅក្នុង ទីផ្សារសាកលលោកសព្វថ្ងៃ។ នេះគឺជាចំណុចគួរឲ្យកត់សម្គាល់ដ៏ពិសេស នៅ ថ្នាក់បញ្ចប់ការសិក្សាឧត្តមសិក្សា៖ ចំនួននៃ ថ្នាក់ម៉ាស្ទឺរដែលបានបង្រៀនជាភាសាអង់គ្លេសនៅ អ៊ឹរ៉ុបដីគោកបានកើនឡើងយ៉ាងធំធេងចាប់ពីជាង 1000 នៅឆ្នាំ 2007 រហូតដល់ជាង 5000 នាពេលសព្វថ្ងៃ។ វគ្គសិក្សាឧត្តមសិក្សាដែលបានបង្រៀនជាភាសា អង់គ្លេសគឺអាចមាននៅក្នុងមុខវិជ្ជាសិក្សាជាច្រើន ចាប់ពីមុខវិជ្ជាធុរកិច្ច និងសេដ្ឋកិច្ច (ដែលបច្ចុប្បន្នមានប្រជាប្រិយបំផុត ដែលតំណាងឲ្យប្រហែល 28% នៃថ្នាក់ម៉ាស្ទឺរដែលបានបង្រៀនជាភាសា អង់គ្លេសនៅអ៊ឹរ៉ុប) រហូតដល់មុខវិជ្ជាវីស្វកម្ម វិទ្យាសាស្រ្តជីវិត (រួមទាំងមុខវិជ្ជាឱសថសាស្រ្ត) និងមុខវិជ្ជាវិទ្យាសាស្រ្តសង្គម និងមនុស្សសាស្រ្ត។
សេចក្ដីប្រកាសបូឡុកណានៅឆ្នាំ 1999 បាននាំ ទៅរកប្រព័ន្ធអប់រំឧត្តមសិក្សានៅទូទាំងអ៊ឹរ៉ុប ដែល ស្របទៅនឹងប្រព័ន្ធបីវដ្ដនៃការអប់រំឧត្តមសិក្សា ដូចខាងក្រោម៖
- ថ្នាក់បរិញ្ញាបត្រ (3-4 ឆ្នាំ)
- ថ្នាក់ម៉ាស្ទឺរ (1-2 ឆ្នាំ)
- ថ្នាក់បណ្ឌិត (3 ឆ្នាំ)
ជាផ្នែកនៃដំណើរការនេះ ប្រព័ន្ធផ្ទេរក្រេឌីតអ៊ឹរ៉ុប (ECTS) ត្រូវបានយកមកអនុវត្តដែលអនុញ្ញាតឲ្យ និស្សិតដែលរៀននៅគ្រឹះស្ថានអប់រំឧត្តមសិក្សា អ៊ឹរ៉ុបដើម្បីផ្ទេរទៅសាកលវិទ្យាល័យមួយទៀត នៅអ៊ឹរ៉ុប ឬនៅឆ្ងាយពីអ៊ឹរ៉ុប និងដើម្បីផ្ទេរក្រេឌីត របស់ពួកគេយ៉ាងងាយស្រួល។ ECTS ជួយនិស្សិតដើម្បីផ្ទេររវាងសាកលវិទ្យាល័យ ទាំងអស់អំឡុងពេលវគ្គសិក្សានៃវដ្ដមួយ (ជាទូទៅ បានតែនៅថ្នាក់បរិញ្ញាបត្រ) ឬដើម្បីផ្ទេរនៅពេលបញ្ចប់នៃវដ្ដមួយទៅសាកលវិទ្យាល័យមួយទៀតសម្រាប់ការសិក្សាបន្ថែម (ជាឧទាហរណ៍ ដើម្បីប្ដូរ ពីសាកលវិទ្យាល័យមួយបន្ទាប់ពីបញ្ចប់ថ្នាក់ បរិញ្ញាបត្រទៅសាកលវិទ្យាល័យមួយទៀត សម្រាប់កម្មវិធីថ្នាក់ម៉ាស្ទឺរ)។
សាកលវិទ្យាល័យនៅអ៊ឹរ៉ុបទាំងអស់បានស្វាគមន៍ ជាយូរណាស់មកហើយដល់និស្សិតទាំងអស់ ដែលមកពីប្រទេសផ្សេងៗ។ ជាមួយនឹងការបញ្ចូលគ្នាដ៏ល្អផ្ដាច់គេនៃរបៀបរស់នៅទំនើប និងមានគុណភាពខ្ពស់រួមជាមួយបេតិកភ័ណ្ឌប្រវត្តិសាស្រ្តដ៏សម្បូរបែបរបស់ខ្លួន អ៊ឹរ៉ុបផ្ដល់នូវបទពិសោធន៍សិក្សាដែលគ្មានកន្លែងណាដូច។
Germany
- International School of Management [ISM Campus in Cologne]
- International School of Management [ISM Campus in Frankfurt/Main]
- International School of Management [ISM Campus in Hamburg]
- International School of Management [ISM Campus in Munich]
- International School of Management [ISM Main Campus in Dortmund]
- Munich Business School